- अर्थ सरोकार सम्बाददाता
हाल सिनर्जी फाइनान्स कम्पनीमा सीइओ रहेका बिनितमणि उपाध्याय विगतमा वल्र्ड मर्चेन्ट बैंकिङ एण्ड फाइनान्स कम्पनी घोटाला प्रकरणमा जेल परेका व्यक्ति थिए । अर्थ सरोकार डटकमलाई प्राप्त जानकारी अनुसार एक पटक बैंकिङ कसुरमा परिसकेका सीइओले हाल सिनर्जी फाइनान्सलाई समेत डुबाउन लागि परेका छन् । उनले फाइनान्सको करोडौं रुपैयाँ घोटाला गरेर बिगतमा झैं अर्को लफडा गर्न खोजेको भन्दै फाईनान्सभित्रकै कर्मचारी रुष्ट हुन थालेका छन् ।
यता फाइनान्सकै शेयरहोल्डर पनि बिगतमा बैंकिङ कसुरमा जेल परिसकेका व्यक्ति सीइओ भएपछी उनले संस्थामा जस्तोसुकै गलत काम गर्न सक्ने भन्दै चिन्तित बनेका छन् । ‘ एक पटक जेल परिसकेको मान्छेलाइ यत्रो संस्थाको जिम्मा दिएर गलत गरिएको छ । गलत गर्ने मान्छे सुध्रिएको छ वा छैन कसरी थाहा पाउने ? उनलाई हटाउन जरुरी छ ।’ फाइनान्सका एक शेयर होल्डरले अर्थ सरोकार डटकमसँग भने ।
उनलाई करोडौं रुपैयाँ घोटाला गरेको अभियोगमा जेल हालिएको थियो। वल्र्ड मर्चेन्ट फाइनान्समा कार्यरत रहँदा उपाध्याय, ज्ञानेन्द्र श्रेष्ठ र सोही फाइनान्सका पूर्वप्रमुख कार्यकारी अधिकृत रञ्जित कोइरालासमेतले आठ करोड रुपैयाँभन्दा बढी घोटाला गरी बैकिङ कसुर गरेको अभियोग लागेको थियो ।
यस्तो गम्भीर प्रकृतिको अभियोग लागेका कोइरालाले घटना सार्वजनिक भएलगत्तै देश छाडेका थिए । तत्पपश्चात् केन्द्रीय अनुसन्धान ब्यूरो (सीआईबी)ले वल्र्ड मर्चेन्ट प्रमुख कार्यकारी उपाध्याय र श्रेष्ठलाई बैंकिङ कसुरको अभियोगमा काठमाडौंको पुतलीसडकबाट पक्राउ गरेको थियो ।
फाइनान्स डुबाउने यस्तो खेल खेल्दैछन् उपाध्याय :
के भन्छ सिनर्जी फाईनान्स ?
यस बिषयमा बुझ्न हामीले फाइनान्समा सम्पर्क गरेका थियौं । सुचना अधिकारी भन्दै फोन फाइनान्सकि कर्मचारी सिता चित्रकारलाई पास भयो । तर हाम्रो प्रश्न सुन्ने बितिकै उनले आफु संस्थाको सुचना अधिकारी नभएको बताइन् । त्यसपछि हामीले फाइनान्सका सुचना अधिकारी को हुन् भनेपछि, उनले भनिन्, ‘ल ल मै भएपनि यो कुरा हामीलाई थाहा हुन्न । हामी त कर्मचारी मात्र हो । उहाँ जेल पर्नुभएको कुरा हामीलाई थाहा छैन । यो त बोर्डले हेर्ने कुरा हो । हामी के नै भन्न सक्छौं र ?’
यो समाचार लेखकलाई फलो गर्नुहोस् :
