काठमाण्डौ – दाङमा बन्दकर्तामाथि आक्रमण भएको छ । संशोधन प्रस्तावको बिरोधमा अनुरास्ववियु र युवासंघले आह्वान गरेको बन्द सफल पार्न हिडेका नेकपा एमालेका कार्यकर्तामाथि आक्रमण भएको अनेरास्ववियु दाङका अध्यक्ष बिरबल खड्काले जानकारी दिए ।

उनका अनुसार तुलसीपुरमा बन्दको अवज्ञा गर्दै हिँडेको नेविसंघको समूहले बन्दकर्तामाथि आक्रमण गरेको हो । बन्दकर्तामाथि पारश हमालको टोलीले आक्रमण गरेको अध्यक्ष खड्काले जानकारी दिए  । आक्रमणबाट घाइते भएकाहरुको राप्ती अञ्चल अस्पताल तुलसीपुरमा उपचार भइरहेको छ ।

यसैबीच शान्तिपूर्ण बन्द बिरोधी गतिविधि नगर्न बन्दकर्ताहरुले आग्रह गरेका छन् । युवासंघका केन्द्रीय सचिवालय सदस्य मनाृहर बुढाथोकी, जिल्ला अध्यक्ष मौसम आचार्य र अनेरास्ववियुका अध्यक्ष बिरवल खड्काले बन्द बिरोधी गतिविधि दोहोरिएमा त्यसको कडा प्रतिवाद गर्ने जनाएका छन् ।