मंगलबार पनि त्यस्तै भयो । प्रधानमन्त्री पुष्पकमल दाहाल ‘प्रचण्ड’ ले प्रमुख सत्तारुढ घटक काँग्रेस सभापति शेरबहादुर देउवा र ओलीलाई बिहान ९ः३० मा सरकारी निवास बालुवाटार बोलाए । एमालेले संसदमा जारी राखेको अवरोध हटाएर संविधान संशोधन विद्येयक अगाडि बढाउने र निर्वाचनको वातावरण तयार गर्न भन्दै प्रचण्डले देउवा र ओलीसँग छलफल गर्न चाहेको उनको सचिवालयले जनाएको छ ।

काँग्रेस सभापति देउवा निर्धारित समय ९ः३० मै बालुवाटार प्रवेश गरेका गरिसकेका थिए । प्रचण्ड र देउवाले औपचारिक कुराकानी गर्दै ओलीलाई डेढ घण्टा कुरे । ओली भने तोकिएको समयभन्दा १ घण्टा ३० मिनेटपछि ११ बजेतिर बालुवाटार गेटभित्र छिरे । छलफलमा तीव शीर्ष नेतामात्र सहभागी रहेको बालुवाटार स्रोतले जनाएको छ ।