- अर्थ सरोकार संम्वाददाता
काठमाडौं – संविधान संशोधन प्रस्तावमा भारतीय हस्तक्षेप रहेको भन्दै प्रमुख प्रतिपक्षी नेकपा एमाले लगायतका केही दलका युवा र विद्यार्थीहरुले सोमबार भारतीय राजदूतावास बाहिर विरोध प्रदर्शन गरेका छन्।
नेकपा एमाले, नेकपा माले र राष्ट्रिय जनमोर्चाको युवा र विद्यार्थी संगठन सम्मिलित संयुक्त युवा विद्यार्थी अभियानले विरोध प्रदर्शन गरेको हो। विहान ११ बजेदेखि युवा र विद्यार्थीहरुले भारतीय हस्तक्षेप अन्त्य गर्नुपर्ने लगायतका नाराबाजी गर्नुका साथै र्याली निकालेका थिए।
