काठमाण्डौ – बस्ती नजिकको खेतीयोग्य जमिनबाट लाइन प्रसारण गर्न लागेपछि निर्माणाधीन कालीगण्डकी करिडोर दुईसय केभी क्षमताको प्रसारण लाइनको विरोध भएको छ ।

आयोजनाको धाईरिङ खण्ड अन्तरगत पर्ने सल्यानको फाँटबाट प्रसारण लाइन विस्तार गर्न नहुँने भन्दै प्रभावित बासिन्दाहरु विरोधमा उत्रिएका  हुन् । आयोजनाले सल्यानको ठूलो भिरबाट गरेको सर्वेलाई परिवर्तन गरी फाँटबाट लैजान खोज्दा २, ३ र ४ वडाका स्थानीयवासीहरुले यसको विकल्प खोज्न प्रभावित आयोजना समक्ष माग गरेका छन् ।

शनिवार सल्यानको फाँटमा भएको स्थानीयवासीहरुको भेलाले खेतीयोग्य जमिनलाई कुनै पनि हालतमा प्रयोग गर्न नदिने निणय भएको सङ्घर्ष समितिका संयोजक टुङगनाथ आचार्यले बताए । तरकारीको पकेट क्षेत्र भएको फाँटबाट प्रसारण लाइन विस्तार गर्दा दीर्घकालीन रूपमा ठूलो असर पु¥याउने भएकाले आफूहरु विरोधमा उत्रिन बाध्य भएको उनले बताए ।

आयोजनाले सल्यानको फाँटमा ३ ओटा एङ्गल टावर बनाउन लागेको हो । टावर सँगै लाइन विस्तार गर्दा लाइनको २५ मिटर वरपरको जमिनमा समेत असर पु¥याउने र बैङ्क धितोमा उक्त जग्गा राख्न र खरीद बिक्री गर्न रोक्का हुने भएकाले आफूहरुले विरोध गर्नुपरेको स्थानीयवासी हरिप्रसाद आचार्यले बताए ।