काठमाण्डौ – पर्वतको दक्षिणी गाविस  शालिग्रामको सेतीवेणी बजार स्थित शालिग्राम माविमा गएराति अज्ञात व्यक्तिको समूहले आगजनी गरेको छ ।

आगजनीबाट विद्यालयका महत्वपूर्ण कागजात र लाखौँ मूल्यका फर्निचर जलेर नष्ट भएका छन् । सेतीबेनी बजारमै रहेको रेशम न्यौपानेको पसलमा चोरीको प्रयास गर्दा स्थानीयवासीले थाहा पाएका थिए । स्थानियहरुले थाहा पाएपछि चोर लखेटदै विद्यालयमा पुगेका थिए । चोरको समूहले नै आगजनी गरेर भागेको हुनसक्ने प्रहरीले बताएका छन् ।

आगलागीबाट २०२८ देखि २०६० साल सम्मका महत्वपूर्ण आर्थिक तथा अन्य कागजात जलेर नष्ट भएको स्थानीयवासी प्रेम भुसालले बताएका छन् ।