">
- अर्थ सरोकार संम्वाददाता
काठमाडौं – नेपाल फर्निचर तथा फर्निसिङ सङ्घको आयोजनामा शुक्रवारबाट चौंथो ‘फर्नेक्स नेपाल २०१६’ मेला शुरू भएको छ । मेला मङ्सिर २१ गतेसम्म सञ्चालन हुनेछ । मेलाको उद्घाटन नेपाल चेम्वर्स अफ कर्मसका अध्यक्ष राजेश काजी श्रेष्ठ तथा नेपाल उद्योग वाणिज्य महासङघका अध्यक्ष पशुपती मुरारकाले संयुक्त रुपमा गरे ।
मेला काठमाडौंस्थित भृकुटीमण्डपको प्रदर्शनी हलमा सञ्चालन हुनेछ । मेलामा दर्शकको सहभागिता उल्लेख्य रहेको छ । सो मेलामा २३ ओटा साना तथा ४४ ओटा ठूला स्टल रहेकोे नेपाल फर्निचर तथा फर्निसिङ सङ्घका अध्यक्ष कवीन्द्र जोशीले जानकारी दिए ।
ती ६७ ओटा स्टलमध्ये ३७ ओटा स्वदेशमा उत्पादित वस्तुहरू तथा ३० ओटा विदेशमा उत्पादित वस्तुहरूका छन् । यससँगै सङ्घले इण्टेरियर डिजाइन प्रतियोगिता ९आईडीसी–२०१६०को पनि आयोजना गर्न लागेको छ । यो प्रतियोगिता विद्याथीहरूबीच गराइने कार्यक्रम छ ।
मेलामा विभिन्न फर्निसिङका सामग्री, अफिस तथा घरायसी फर्निचर, वास्तु परामर्श, होम एप्लायन्सका साथै घर सजाउने अन्य सामग्रीहरू प्रदर्शन गरिनेछ । मेलाले फर्निचर र फर्निसिङसँग सम्बन्धित व्यवसायी, उत्पादक, विक्रेता, क्रेता र सम्बन्धित अन्य पक्षलाई एकै ठाउँमा भेला गरी प्रत्यक्ष भेटघाट गराउने जोशीले बताए ।
एक्स्पोले नेपाली बजारमा उपलब्ध फर्निचर तथा फर्निसिङका सामग्रीबारे उपभोक्तालाई जानकारी दिनुका साथै स्वदेशी तथा आयातित सामग्री एकैसाथ प्रवद्र्घन गर्न पनि टेवा पुग्ने उनको भनाइ छ । उपभोक्ताले यस मेलामा सामानको मूल्य, गुणस्तर, डिजाइनलगायत विषयमा राम्रोसँग बुझेर खरीद गर्न पाउनेछन् ।
फर्नेक्स नेपाल २०१६ मेलाको शीर्ष प्रायोजक सान फर्निचर रहेको छ । त्यस्तै, मुख्य प्रयोजकमा यती फ्लोरिङ र जेम फ्लोरिङ रहेका छन् ।
