देशमा अस्थिरता बढ्दै गएको छ : अध्यक्ष थापा

अर्थ सरोकार

१२ पुष २०७३, मंगलबार ०७:४८

अर्थ सरोकार

१२ पुष २०७३, मंगल

अर्थ सरोकार संम्वाददाता

काठमाण्डौ – राष्ट्रिय प्रजातन्त्र पार्टीका अध्यक्ष कमल थापाले देश सङ्कटको चक्रव्यूहमा फसेको बताउनुभएको छ ।

लायन्स फिटनेस क्लबको आज भक्तपुर नगरपालिका लिबालीमा उद्घाटन गर्दै उहाँले भन्नुभयो – “परिवर्तनलाई संस्थागत गर्ने नाममा ठूला दलले गलत नीति लाद्ने काम गरेकाले देशमा अस्थिरता र अराजकता बढ्दै गएको हो ।”

अध्यक्ष थापाले नेपाली जनताले ठूला तीन दलको विकल्प खोजेको अवस्थामा दुई राप्रपाबीच एकीकरण भएको चर्चा गर्दै राप्रपा जनताले रोजेको दल हुने दाबी गर्नुभयो ।

भूमिसुधारमन्त्री विक्रम पाण्डेले मुलुकको विकास र समृद्धिका लागि नेपाली युवा वर्गलाई सक्रिय बनाएर लैजानुपर्नेमा जोड दिनुभयो ।

राप्रपाका केन्द्रीय सदस्य दीनेश श्रेष्ठ, क्लबका अध्यक्ष राजेन्द्र लाखालगायतले युवा वर्गलाई समेटेर राप्रपा अगाडि बढ्नुपर्ने आवश्यकता औल्याउनुभयो ।