एजेन्सी – भारत झारखण्डको कोइला खानी भत्किंदा करिब ५० मजदुर पुरिएको आशंका गरिएको छ । खानीमा पुरिएका मजदुर र गाडीहरुलाई निकाल्ने प्रयास भइरहेको छ ।

उद्धारका लागि सुरक्षाकर्मीहरु परिचालन गरिएको छ । तर, बिद्युत आपूर्ति बन्द भएकाले उद्धार कार्यमा समस्या भइरहेको भारतीय सञ्चार माध्यमहरुले जनाएका छन् ।

खानीभित्र जाने बाटो पनि पूर्णरुपमा बन्द भएको छ । खानीभित्र ४०–५० जना कामदारहरु रहेको प्रत्यक्षदर्शीलाई उदृद गर्दै भारतीय संचारमाध्यमले जनाएका छन् ।