धादिङमा बलियो गरी एउटा मञ्च बनाउन सक्ने स्रोत थिएन र ? कतै यो नियोजित त थिएन ? शंका- उपशंका थुप्रै भए । तर यथार्थ आयोजकले लापरवाही गरेकै हो । भूकम्प गएर वा कुनै भवितव्य भएर होइन, कमजोर मञ्च बनाएकाले दुर्घटना भयो । मिलनटोलमा २ करोड ८६ लाख रकममा निर्माण हुन लागेको विपी स्मृती भवनको सिलन्यास गर्न आएका वरिष्ठ नेता पौडेल, उद्योग राज्यमन्त्री कन्चनचन्द्र वादे, डाक्टर रामशरण महत, डाक्टर मिनेन्द्र रिजाल , लगायतका ४८ जना नेता कार्यकर्ता बसेको मञ्च ढलेपछि कार्यक्रमस्थलमा कोलाहल मच्चियो एकछिन । 

एउटा आयोजकका लागि यो भन्दा लाजमर्दो कुरा के नै हुन सक्छ र ! मञ्च भत्किएपछि केहि क्षति हुने नै भयो। पौडेलसहितका नेताहरु भने सामान्य रहेका छन् भने नेपाली कांग्रेसकी नेतृ भगवती पौडेलको खुट्टा भाँचिएको छ । यसले आयोजकको बेइज्जत त भएको छ नै नेताहरुले पनि आफ्नो बेइज्जत भएको पक्कै महसुस गरेका होलान्।  यद्यपी घटनापछि उठेका कार्यकर्तालाई संझाउदैं नेता राचन्द्र पौडेलले भने ‘मञ्च ढलेर सबै बराबरमा बस्ने बनाई दियो ।’ तर उनको त्यो बोलीभित्रको व्यङ्ग्य कत्रो थियो भन्ने बुझ्नु जरुरी छ । 

अझ खास कुरा त यो घटनाले पार्टीका कार्यकर्तामाथिको विश्वास नै कम गराईदिएको छ । ‘एउटा मञ्च त गतिलो बनाउन नसक्नेले देश कसरी गतिलो बनाउलान् र ?’ भन्ने कुरा उठेको छ । यसले सम्पूर्ण रुपमा सबै कार्यकर्तालाई प्रतिनिधित्व नगरेपनि भन्नेहरुलेचाहिं यसै भन्नेछन् । र बुझ्नेले पनि यसैगरी बुझ्न जरुरी छ ।