काठमाडौं – बिहीवार नेप्से परिसूचक शून्य दशमलव २५ प्रतिशतले बढेको छ । पहिलो डेढ घण्टा सम्म उतार चढावमा रहेको बजार त्यसपछि भने उकालो लाग्न थालेको हो । १ घण्टाको व्यापारमा शेयर बजार ३ दशमलव ८४ अङ्कले बढेर १ हजार ५ सय १९ दशमलव ९२ बिन्दुमा पुगेको हो ।

जलविद्युत्, उत्पादन तथा प्रशोधन र ‘अन्य’ समूह बाहेक कारोबारमा आएका बाँकी समूहको परिसूचक बढेपछि समग्र नेप्से परिसूचक उकालो लागेको हो । यस व्यापार अवधिमा १ सय १५ कम्पनीको १ हजार २ सय ४९ कम्पनीको रू। १७ करोड ९२ लाख बराबरको शेयर कारोबार भएको हो ।

होटल समूहको परिसूचक १ दशमलव ७६ प्रतिशतले बढेको छ । साथै, बीमा समूहको परिसूचक शून्य दशमलव ७८ प्रतिशत, बैङ्किङ र विकास बैङ्कको शून्य दशलमव २४ प्रतिशत र वित्त कम्पनीको शून्य दशमलव शून्य ५ प्रतिशतले बढेको छ । त्यस्तै, जलविद्यूत् समूहको परिसूचक १ दशमलव शून्य ४ प्रतिशत, उत्पादन तथा प्रशोधनको शून्य दशमलव १९ प्रतिशत र ‘अन्य’ समूहको शून्य दशमलव शून्य ४ प्रतिशतले घटेको छ ।