काठमाडौं – मङ्गलवार नेप्से परिसूचक २ दशमलव १० प्रतिशतले घटेको छ । पहिलो कारोबारदेखि ओरालो लागेको शेयर बजार १ घण्टाको व्यापारमा ३० दशमलव शून्य ९ अङ्कले घटेर १ हजार ४ सय २ दशमलव ४८ विन्दुमा झरेको हो ।

 कारोबारमा आएका सबै समूहको परिसूचक घटेपछि समग्र नेप्से परिसूचक ओरालो लागेको हो । यस व्यापार अवधिमा ज्योति विकास बैङ्कको संस्थापक शेयरको रू। १ करोड ५१ लाख बराबरको शेयर कारोबार भएको छ । यस संस्थापक शेयरको प्रति कित्ता शेयर रू।१ सय ७० मा किनबेच भइरहेको छ ।

बैङ्किङ समूहको परिसूचक २ दशलमव ७ प्रतिशतले घटेको छ । त्यस्तै, जलविद्युत समूहको परिसूचक २ दशमलव ६८ प्रतिशत र बीमाको २ दशमलव ६९ प्रतिशतले घटेको छ । साथै, वित्त कम्पनी समूहको परिसूचक शून्य दशमलव ९७ प्रतिशत, विकास बैङ्कको शून्य दशमलव ८७ प्रतिशत र ‘अन्य’ समूहको शून्य दशमलव १६ प्रतिशतले घटेको हो ।