×

Live on

रेडियो अर्थ सरोकार

Listen to live radio.

१.४२ प्रतिशतले घट्यो नेप्से

GLOBAL IME BANK

१.४२ प्रतिशतले घट्यो नेप्से

२६ मंसिर २०७३, आईतवार

पढ्न लाग्ने समय: १ मिनेटभन्दा कम

काठमाडौं – साताको पहिलो दिन नेप्से परिसूचक १ दशमलव ४२ प्रतिशतले घटेको छ । विहानैदेखि घटिरहेको बजार अन्त्यमा पनि घटेरै बन्द भएको छ ।  दिनभरीको व्यापारमा शेयर बजार २१ दशमलव ८८ अङ्कले घटेर १ हजार ५ सय २२ दशमलव ८० विन्दुमा पुगेको हो । उत्पादन तथा प्रशोधन समूह बाहेक कारोबारमा आएका बाँकी समूहको परिसूचक घटेपछि समग्र नेप्से परिसूचक ओरालो लागेको हो । नेप्सेमा कारोबार रकम रू. २० करोड १५ लाखले घटेर रू. ४० करोड ५५ लाख पुगेको छ । यस दिन १ सय ४१ कम्पनीको ३ हजार ८ सय १९ पटकको व्यापारबाट ७ लाख ७ सय ३६ कित्ता शेयर किनबेच भएको छ ।

एभरेष्ट बैङ्कको रू. ३ करोड १७ लाख बराबरको रकम कारोबार भएको छ । कम्पनीको अन्तिम मूल्य रू. ३ हजार २ सय १२ पुगेको छ । यस दिन नमस्ते बित्तीय संस्थाको शेयर मूल्य ७ दशमलव ८९ प्रतिशतले बढेर अन्तिम मूल्य रू. ४ सय २४ पुगेको छ । साथै, एनबि इन्स्योरेन्सको शेयर मूल्य ७ दशमलव ४१ प्रतिशतले बढेको हो ।  अपि पावर कम्पनीको शेयर मूल्य ९ दशमलव ८१ प्रतिशतले घटेर अन्तिम मूल्य रू. ४ सय ३२ पूगेको छ । साथै, पोखरा फाइनान्सको शेयर मूल्य ९ दशमलव ६७ प्रतिशत र अरुण फाइनान्सको ९ दशलमव २७ प्रतिशतले घटेको छ ।

उत्पादन तथा प्रशोधन समूहको परिसूचक शून्य दशमलव ५३ प्रतिशतले बढेको छ । त्यस्तै, जलविद्युत् समूहको परिसूचक ३ दशमलव ८२ प्रतिशत, होटलको ३ दशमलव ५६ प्रतिशत र बीमाको २ प्रतिशतले घटेको छ । साथै, वित्त कम्पनी समूहको परिसूचक १ दशमलव ६ प्रतिशत, विकास बैङ्कको १ दशमलव ५१ प्रतिशत, बैङ्किङको १ दशमलव २४ प्रतिशत र ‘अन्य’ समूहको शून्य दशलमव ३६ प्रतिशतले घटेको हो ।

Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: