काठमाडौं –  नेपाली कांग्रेसका सभापति शेरबहादुर देउवाले प्रतिपक्षी दल एमालेका अध्यक्ष केपी शर्मा ओलीलाई ‘ओ मिस्टर’ मधेसी मोर्चालाई नधम्क्याउनुस भन्दै आक्रोशित तरिकाले शीतलनिवास बैंठकमा प्रस्तुतभए ।

आइतबार सर्वदलीय बैठक राष्ट्रपति विद्यादेवी भण्डारीले राखेकी थिइन् । उनले यो सर्वदलीय बैठक राखेको दोस्रोपटक भएको सुनाउँदै  सबै दलहरुलाई मिलेर सहमतिका आधारमा अघि बढ्न आग्रह गरेसँगै नेताहरुलाई बोल्ने समय दिइएको थियो ।

यससँगै,एमाले अध्यक्ष केपी ओलीले आफ्नो कुरा सबैका सामु प्रस्तुत गरे । उनले राष्ट्रपतिलाई सम्वोधन गरेपनि राष्ट्रपति, प्रधानमन्त्री र सभामुखलाई सम्वोधन नगरिनै आफ्नो भनाई राख्न थाले ।

बैंठकमा उनले सरकारले संसदमा पेश गरेको ५ नम्बर प्रदेश हेरफेर गर्ने प्रस्ताव राष्ट्रिय हित विपरीत भएको भन्दै त्यसलाई फिर्ता लिन सहमति गर्नुपर्ने बताए । उनले सरकार गठनदेखि संविधान संशोधन दर्तासम्म विदेशीको डिजाइन रहेको संकेत समेत गरेका थिए ।

अध्यक्ष ओलीले बोलिसकेपछि राप्राका नेता कमल थापाले बोले । त्यसपछि माले महासचिव सीपी मैनालीले राष्ट्रिय पोशाक दौरा सुरुवाललाई किन हटाइयो भन्दै प्रश्न तेस्र्याए ।

यससँगै,कांग्रेस सभापति शेरबहादुर देउवा आक्रोशित हुँदै ओलीतर्फ आँखा लगाएर पाँच नम्बर प्रदेशबारे विगतमा आफैंले सही गर्दा राष्ट्रघाती नहुने, अहिले राष्ट्रघाती हुने रु भन्ने प्रश्न गरे । त्यति नै बेला ओलीले ‘त्यसो भन्न खोजेको होइन’ भन्दै प्रष्टीकरण दिन के खोजेका थिए । देउवाले उनीतिर औंलो तेर्स्याउँदै भने(‘ओ मिस्टर चुप १’ लाग्नुस । यता, प्रधानमन्त्री प्रचण्डले भने केही बोलेनन् । देउवाको कुरा सुन्न छाँडेर केहीबेरमा केपी ओली उठेर हिँडे ।

  बैठकमा एमालेका अन्य नेता वामदेव गौतम, विष्णु पौडेल सहभागित जनाएका थिए ।