×

Live on

रेडियो अर्थ सरोकार

Listen to live radio.

संविधानको स्वीकार्यता नै राष्ट्रिय आवश्यकता हो : प्रधानमन्त्री

GLOBAL IME BANK

संविधानको स्वीकार्यता नै राष्ट्रिय आवश्यकता हो : प्रधानमन्त्री

१० पुष २०७३, आईतवार

पढ्न लाग्ने समय: १ मिनेटभन्दा कम

अर्थ सरोकार संम्वाददाता 
काठमाडौं – प्रधानमन्त्री पुष्पकमल दाहाल प्रचण्डले संविधानको स्वीकार्यता बढाएर त्यसको कार्यान्वयन गर्नु राष्ट्रिय आवश्यकता रहेको बताएका छन्। क्रिसमसको उपलक्ष्यमा शुभकामना सन्देश जारी गर्दै प्रधानमन्त्रीले हिमाल, पहाड, तराई, सबै जाति, भाषा, धर्म र समुदायको सुदृढ राष्ट्रिय एकताका बलमा आर्थिक समृद्धिको दिशामा अगाडि बढ्नु राष्ट्रिय आवश्यकता भएको बताएका हुन्।
 उनले क्रिसमसको उपलक्ष्यमा स्वदेश तथा विदेशमा रहेका सम्पूर्ण इसाई धर्मावलम्बी दिदीबहिनी तथा दाजुभाइप्रति सुस्वास्थ्य, दीर्घायु, सुख, शान्ति, समृद्धि र उत्तरोत्तर प्रगतिको शुभकामना व्यक्त गरेका छन्। प्रधानमन्त्री दाहालले आफ्नो शुभकामना सन्देशमा सम्पूर्ण ख्रीष्टियन समुदायबाट संविधान कार्यान्वयन र समृद्धिको अभियानमा बलियो साथ र सहयोगको अपेक्षा पनि गरेका छन्।
 सन्देशमा भनिएको छ– “यस अवसरमा सरकार सबै जाति, भाषा, धर्म, समुदाय र संस्कृतिको पहिचान, अपनत्व र अधिकारलाई स्थापित गर्दै सुदृढ राष्ट्रिय एकताका निम्ति क्रियाशील रहेको तथ्य स्मरण गर्न चाहन्छु ।” सन्देशमा प्रधानमन्त्रीले चाडपर्व र संस्कृति कुनै जाति, भाषा र धर्म विशेषको पहिचान र परम्परामा मात्र सीमित नभई राष्ट्रिय एकता, पारस्परिक सद्भाव र राष्ट्रिय मौलिक संस्कृतिको निर्माणका लागि पनि उत्तिकै महत्वपूर्ण रहँदै आएका उल्लेख गरेका छन्। 
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: