काठमाण्डौ – त्रिभुवन विश्वविद्यालयको उपकुलपतिमा तीर्थराज खाँनियाको भाषाका विषयमा चौतर्फी आलोचना भएको छ ।

एउटा चिठीका विषयमा उनी सामाजिक सञ्जालमा चर्को आलोचनामा परेकै हुन । त्रिभुवन विश्वविद्यलायको उपकुलपति बनाएपछि उनले लेखेको एउटा चिठीमा देखिएको भाषाका कारण उनी विवादमा तानिएका छन् ।

उनको नामबाट वितवरण गरिएको निमन्त्रणा पत्रमा नेपाली भाषाको वेइज्जत भएको भन्दै सामाजिक सञ्जालमा आलोचना भइरहेको छ । पुस १४ गते त्रिविविले आफ्नो ४२ औं दीक्षान्त समारोह मनाउदै छ ।

सोही समारोहको अवसरमा उनै उपकुलपतिको नाम र हस्ताक्षर रहेको निमन्त्रणा पत्र विभिन्न राजनीतिक दलका शीर्षस्थ व्यक्ति देखि प्राज्ञिक व्यक्तिहरुको हातसम्म पुुगेको छ । निमन्त्रण कार्डमा लिएको ४८ शव्दमा १० वटा गल्ती भेटिएको छ ।