">
- अर्थ सरोकार संम्वाददाता
काठमाडौं – नेपाली कांग्रेसका नेता डाक्टर रामशरण महतले जनतालाई मान्य नभएको कुनै पनि प्रस्ताव सफल नहुने बताएका छन् । नेता महतले सरकारले ल्याएको संविधान संशोधन विधेयकमा जनताको असन्तुष्टी रहेको बताउँदै विधेयकलाई तार्किक निष्कर्षमा पुर्याउनका लागि संसदको अवरोध अन्त्य गर्नुपर्ने उल्लेख गरे ।
उनले संसद बैठक अवरोध नगर्न विपक्ष एमालेसहितका दलहरुलाई आग्रह पनि गरेका छन् । उनले संसदमा दर्ता भएको संशोधन विधेयक असफल बनाउने अधिकार विपक्ष दलहरुलाई रहेको समेत बताए। उनले संविधान कार्यान्वयनका लागि दलहरु मिलेर अघि बढनुको विकल्प नरहेको समेत स्पष्ट पारे ।
पूर्व अर्थमन्त्री समेत रहेका नेता महतले राजनीतिक खिचातानीकै कारण मुलुक आर्थिक रुपमा कमजोर बन्दै गएको पनि स्विकार गरे ।
