संविधान संशोधन तत्काल स्थगित गर्न राप्रपाको निर्देशन

अर्थ सरोकार संम्वाददाता

काठमाडौं – हिन्दूवादी पार्टी राष्ट्रिय प्रजातान्त्र पार्टीले सत्तारुढ दलहरुले संसदमा दर्ता गरेको संविधान संशोधन प्रस्तावको ठाडो अस्विकार गरेको छ ।

सोमवार राप्रपाद्वयले एकीकरणपछि पहिलोे बैंठकको आयोजना गरि संविधान संशोधन प्रस्ताव राष्ट्रहित नभएको बताउँदै तत्काल सो मागलाई स्थगित गर्न दवाव दिएको हो ।

बैठकले संशोधन प्रस्ताव स्थगन गरी दलहरुसँग संवाद अघि बढाउन समेत आग्रह गरेको छ । बैंठकमा बोल्दै राप्रपाका वरिष्ठ नेता डा प्रकाशचन्द्र लोहनीले भने– ‘सबै पक्षसँग छलफल गरी सहमतिका आधारमा अघि बढ्न हाम्रो आग्रह छ ।’

त्यस्तै, राप्रपका अध्यक्ष कमल थापाले सरकारले अगाडि सारेको प्रस्ताव देशको हित प्रतिकूल रहेको वताउँदै तत्काल सच्याएर चुनावमा होमिनु पर्ने सुझाव दिएका थिए ।