काठमाण्डौ – मूलुकको प्रमुख प्रशासनिक निकाय सिंहदरबारको सुरक्षा ब्यबस्था कडा हुन्छ । त्यहाँ जो सुकै प्रबेश गर्न पाउदैन । प्रवेश गर्नेहरुको सबैको प्रहरीले परिचय पत्र चेक गरेर मात्र पठाऊछ । त्यस्तो सुरक्षा घेराभित्र चोरी भएको भन्दा अचम्म लाग्न सक्छ । 

तर त्यहि सिंहदरबारमा दिउँसै चोरी भएको छ । भौतिक पूर्वाधार तथा यातायात मन्त्रालयकी शाखा अधिकृतले आफ्नो कार्य कक्षबाट ल्यापटप चोरी भएको भन्दै सुरक्षामा खटिएका प्रहरी समक्ष उजुरी दिएकी छिन् ।   

उजुरीपछि सिंहदरबारबाट बाहिरिनेहरुलाई कडा चेक जांच थालिएको छ। ल्यापटप बोकेकाहरुलाई प्रहरीले ल्यापटप झिक्न लगाएर नै छेक जांच थालेको छ ।  

सिंहदरबारभित्र चोरीको घटना भएको यो पहिलो पटक बहने होइन । पाँच महिना अघि स्थानीय विकास मन्त्रालयबाट एक लाख नगद सहित आइफोन ल्यापटक लगायतका सामाग्री चोरी भएको उजुरी परेको थियो।