बुटवल– सरकारले ल्याएको संविधान संशोधन विद्येयकमा ५ नम्बर प्रदेशलाई विभाजन गरिएको विरोधमा कांग्रेस, एमाले र माओवादीका नेता एक भएका छन् । एमालेले ससंशोधन विद्येयकको विरोध जनाइरहेका बेला सत्तासाझेदार दल कांग्रेस र माओवादीका नेतासमेत विरोधमा उत्रिएका हुन् ।

प्रदेश विभाजनको विरोधमा बुटवलमा आयोजित विभिन्न कार्यक्रममा सहभागी हुन माओवादी नेता टोपबाहदुर रायमाझी र कांग्रेस नेता चन्द्र भण्डारी त्यहाँ पुगिसकेका छन् । उनीहरुसँगै रुपन्देहीबाट निर्वाचित सांसदसमेत विरोध सभामा सहभागी हुने जनाइएको छ ।

केन्द्रमा सत्तासाझेदार दल संशोधनको पक्षमा एकातिर र प्रमुख प्रतिपक्ष एमालेसहितका दल संशोधनको विरोधमा अर्कोतिर देखिएता पनि जिल्लास्तरमा भने सबै दल र तीनमा नेता एकैस्थानमा उभिएर विभाजनको विपक्षमा उभिएका हुन् । विरोध कार्यक्रमको संयोजन एमाले प्रदेश नम्बर ५ का संयोजक विष्णु पौडेलले गरेका छन् ।