काठमाण्डौ – त्रिभुवन विश्वविद्यालयको ४२ औ दिक्षान्त कार्यक्रम भइरहेको छ । ललितपुर पोल्चोक इन्जिनियर क्याम्पसमा भइरहेको दिक्षान्त सरमोहमा झण्डै १० विद्यार्थी दिक्षित भएका छन् । ९,७९० जना शैक्षिक प्रमाणपत्रका हिसावले राम्रो जनशक्तिका रुपमा बाहिर आएका छन् ।

बिहीबार दीक्षित भएका सबै रोजगारीको खोजीमा छन् । ‘डिग्री पाउन सहज भयो तर जागरि पाउन गाह्रो छ ।’ प्रमाणपत्र बुझीसकेका सबैको गुनासो थियो ।

शिक्षा मन्त्रालयका अनुसार उच्च शिक्षा अध्ययन गर्नेमा ९३ प्रतिशत साधारण शिक्षा अध्ययन गर्छन भने सात प्रतिशत मात्रै प्राविधिक शिक्षा अध्ययन गर्छन । साधारण शिक्षा अध्ययन गर्ने ८० प्रतिशतले रोजगारी पाउन सकेका हुँदैनन । रोजगारमुखी शिक्षाको लागि लगानी न्यून छ ।