">
- अर्थ सरोकार संम्वाददाता
काठमाडौँ – प्रधानमन्त्री पुष्पकमल दाहाल ‘प्रचण्ड’ प्रमुख सत्तारुढ घटक काँग्रेस सभापति शेरबहादुर देउवासँग सशंकित भएका छन् ।
देउवा र एमाले अध्यक्ष केपी ओलीको निकटता एकाएक बढेपछि प्रचण्ड सशंकित बनेका हुन् । आफूसँग परामर्शै नगरी सरकारले संसदमा दर्ता गराएको संविधान संशोधन विधेयक थाती राख्न देउवाले ओलीलाई बचन दिएपछि प्रचण्ड सशंकित बनेको बालुवाटार उच्च स्रोतले जनाएको छ ।
केही दिनअघि देउवा ओली भेट्न आफैं सिंहदरबारस्थित एमालेसंसदीय दलको कार्यालय पुगेका थिए । त्यस क्रममा देउवाले ओलीसमक्ष संविधान संशोधन विधेयक थाती राखेर स्थानीय तहको निर्वाचनमा जान सकिने विकल्प अघि सारेका थिए ।
ओलीले उक्त विकल्पलाई सकारात्मक रुपमा लिएपछि दुई नेताबीच दूरी घटेको हो । देउवासँगको सहमतिमै संविधान संशोधन विधेयक ल्याएका प्रधानमन्त्री देउवाको ‘यूटर्न’ देखेर चकित परेका छन् ।
यस्तो छ कारण
काँग्रेस र माओवादी केन्द्रबीच वर्तमान सत्ता समीकरण निर्माण गर्ने बेलामा सरकारको नेतृत्व आलोपालो गर्ने सहमति भएको थियो । त्यति नै बेला नौ हमिना ९आगामी चैत० सम्म प्रचण्ड प्रधानमन्त्री हुने र त्यसपछि देउवाले नेतृत्व लिने ‘ननपेपर एग्रिमेन्ट’ भएको बाहिर आएको थियो ।
त्यतिबेलासम्म प्रचण्ड नेतृत्वमा स्थानीय निकाय निर्वाचन सम्पन्न गर्ने भनिएको थियो । तर, चैतसम्म निर्वाचन हुने सम्भावना देखिएको छैन ।
माओवादी केन्द्रले भने नौ महिनामा सरकार फेर्ने सहमति नभएको दाबी गर्दै स्थानीय निर्वाचनपछि देउवालाई दिने सहमति भएको बताउन थालेको छ । प्रचण्डको त्यस्तो दाबीबाट सशंकित भएर देउवाले पहिल्यै सरकार गिराउने कसरत थालेको चर्चा सुरु भएको छ ।
स्रोतका अनुसार एमाले अध्यक्ष ओलीले देउवालाई ‘गो अ हेड’ भनिसकेका छन् । एमाले समर्थनमा देउवाले प्रधानमन्त्री हुन चाहेको सूचना पाएपछि प्रचण्ड थप शसंकित बनेको उनका हुन् ।
