काठमाडौं – अल्पाइन डेभलपमेण्ट बैङ्क लिमिटेडको चालू आवको दोस्रो त्रैमासमा खुद मुनाफा २ गुणा बढेर रू। ३ करोड २१ लाख पुगेको छ । खुद व्याज आम्दानी ५६ दशमलव २६ प्रतिशत बढेर रू ६ करोड ३३ लाख पुगेको छ । बैङ्कको सञ्चालन नाफा ३ गुणा बढेर रू५ करोड ४ लाख पुगेको छ । 

बैङ्कको चालू आवको दोस्रो त्रैमासमा खुद व्याज आम्दानी र सञ्चालन नाफा बढ्नाले खुद मुनाफा बढ्नामा टेवा पुगेको हो ।

चालू आवको दोस्रो त्रैमासमा जगेडा कोष रू ७ करोड ४७ लाख पुगेको छ । यो गत आवमा भन्दा १८ प्रतिशत घटी हो । कर्जा तथा सापटी ६४ दशमलव ५४ प्रतिशत बढेर रू १ अर्ब ६७ करोड ६९ लाख पुगेको छ । चालू आवको दोस्रो त्रैमासमा निष्क्रिय कर्जा १ दशमलव ६८ पुगेको छ ।