काठमाण्डौ – क्यानमा उत्साहजकन सहभागिता, इण्टरनेट र क्लियर टिभीको जम्बो अफरमा तानिए सर्वसाधारण भृकुटीमण्डपमा जारी ‘सुविसु क्यान इन्फोटेक’ मेलाको आइतवार चौथो दिनसम्म दुई लाख सात हजार बढीले अवलोकन गरेका छन् ।

प्रदर्शनीको पहिलो दिन ३४ हजार १५४, दोस्रो दिन ३६ हजार ११८ र चौथो दिन आइतवार ६७ हजार २ सय ८ जनाले अवलोकन गरेका थिए । प्रदर्शनीमा अवलोकनकर्ताको उत्साहजनक सहभागिता रहेको र बालकदेखि वृद्धसम्मको भिडले नेपालमा सूचना प्रविधिप्रति चासो बढेको आयोजक क्यान महासङ्घका महासचिव विश्वराम बलामीले बताए ।     मेलाको आइतवार पनि भौतिक पूर्वाधार तथा यातायातमन्त्री रमेश लेखकलगायत विभिन्न विशिष्ठ व्यक्तिले अवलोकन गरेका थिए  ।

    

सुविसु केवलनेटले प्रदर्शनीमा ल्याएको इण्टरनेट र क्लियर टिभीको जम्बो अफरमा अवलोकनकर्ताको आकर्षण देखिएको छ । सुविसुले मात्र रू ७ हजार ९ सय ९९ मा यो कम्बो अफर ल्याएको हो ।  त्यसैगरी सामसुङका स्मार्टफोनमा पनि अवलोकनकर्ताको घुइँचो लागेको छ । 

यसपटकको इन्फोटेकमा ग्याजेट्सहरूको रौनक देखिएको छ । सामसुङका अतिरिक्त हुवावे, ओप्पो, मेइजु, लेनोभो, माइक्रोम्याक्स, वानप्लस, एमआइ, ब्लाकभ्यूलगायतका कक्षमा अवलोकनकर्ताको भीड देखिएको छ । 

त्यसैगरी इण्टरनेट सेवाप्रदायक कम्पनी भायनेट, वेबसर्फरका साथमा नेपाल टेलिकमको फोर जी अफरमा विशेष आकर्षण रहेको क्यान महासङ्घको विज्ञप्तिमा बताइएको  छ । प्रदर्शनमा विभिन्न हार्डवेयर र सफ्वेयर गरी १ सय ५८ कम्पनीका २ सय २२ कक्ष रहेका छन् ।