">
- अर्थ सरोकार संम्वाददाता
काठमाडौं – एक दशक अघि दुर्इ किसिमको टिभीहरुको लन्च गरेर बजारमा आएको सिजीले एलइडी टिभी सेगमेन्टमा ६५ इन्चको अल्ट्रा हाई डेफिनिशन एचडी टिभी बजारमा ल्याएको छ । सिजी ब्राण्डले नयाँ टेलिभिजन लन्च गरी आफ्नो दशौं वार्षिक उत्सव मनाएको हो ।
देशभरका तीनसय भन्दा बढी डिलरहरुको राष्ट्रिय भेला गरी चौधरी समूहका अध्यक्ष विनोद चौधरीले सिजी ब्राण्डको नयाँ टेलिभिजन लन्च गरेका थिए । कार्यक्रममा सिजी ब्राण्डको फोरजी नेटवर्कमा आधारित स्मार्ट फोन पनि लन्च गरिएको थियो ।
यसका साथै सिजी ब्राण्डले नयाँ ट्रली स्पिकर र हार्ड टक डोर फ्रिजर पनि चाँडै बजारमा ल्याउने घोषणा गरेको छ ।
करिव दश वर्ष पहिले सिमित दुई मोडलका टिभीहरुबाट सुरु भएको सिजीको अहिलेसम्म २३ किसिमका विभिन्न उत्पादनहरु बजारमा आइसकेका छन् ।
सिजीले टि .भी, विभिन्न घरायसी सामाग्री, विद्युतीय उपकरण र मनोरञ्जनका वस्तुहरु उत्पादन तथा खरिद बिक्रि गर्दै आएको छ । सिजीको ब्यापार संजाल देशभर रहेको कम्पनीले जनाएको छ ।
