काठमाण्डौ – प्रमुख प्रतिपक्ष दल एमालेले संविधान संशोधनको प्रस्ताव झुक्याएर पेश गरिएको बताएको छ । सभामुखको मिलेमतोमा संसदीय अभ्यास विपरित ल्याइएको विधेयक संसदमा छलफल गर्न नदिने प्रमुख सचेतक भानुभक्त ढकालले बताए ।

‘संसदमा संशोधनको विधेक छलफल गर्न दिदैनो यदि बल पुर्वक छलफमा ल्याउने कोशिष भए संसद भित्र कडा प्रतिवाद गर्ने नीति दिदैछौ’ उनले भने ।

आइतबार नारावाजीकाबीच संविधान संशोधनको विधेयक संसदमा दर्ता गरिएको थियो । एमालेले झुक्याएर प्रस्ताव पेश भएको भनीरहँदा सत्तापक्षका केहि सांसद र नेताहरुले एमाले लगाएत प्रतिपक्ष दलको सहयोगमा संशोधन प्रस्ताव दर्ता गरिएको बताएका छन् ।

एमालेका बरिष्ठ नेता तथा पुर्वप्रधानमन्त्री माधव कुमार नेपालले सभामुखको भुमिका संसदीय मर्यादा विपरित भएको टिप्पनी गरेका छन् । प्रतिपक्ष दलहरुको नारावाजीकाबीचमा संशोधन प्रस्ताव दर्ता गरेर सभामुखले पार्टीको प्रवक्ताको जस्तो व्यवहार देखाएको एमालेसहित ९ दलले आरोप लगाएका छन् ।