">
- दुर्गा प्रसाद काफ्ले
म भनिरहेको छु । सुन्नेहरु सुनेर सचेत बनेकै छन् । मेरो विरोध गर्नेहरु गरिनै रहुन् । तर यथार्थ यहि हो, एफपीओ र राइटको खोलोले बजारनै बगाउने अवस्था आएको छ । नेपाललाइफको एफपीओ कसैले भर्न छुटाएको छैन । यसका लागि सेकेण्डरी मार्केटमा अरु संस्थाको सेयर बेच्नेहरु छन् । २० अर्वको आईपीओ पनि आउंदैछ । साना र नयाँ लगानीकर्ताहरुलाई अवसरको ढोका ती आईपीओहरु हुने कुरामा कुनै शंका छैन ।
सचेत हौँ, बजारमा फरक अभ्यास चल्दैछ :
कुनै संस्थाको नाम लिने कुरा भएन । तर बजारमा अहिले कमजोर कम्पनीको सेयरको भाउ बढी छ । बढाइएको छ । जवरजस्त । देशकै सबैभन्दा खराब इन्सुरेन्स कम्पनीले बजार ब्रेक गर्दैछ । त्यहि सेयर महँगो हुँदैछ । कुनै निश्चित मान्छेको चलेखेलमा जवरजस्त त्यो इन्सुरेन्स कम्पनीको सेयरको भाउ माथि जाँदैछ । बढेपछी अहिले बढाउनेले नै बेच्ने हुन् । सचेत हुनुहोस्, यस्ता कम्पनीमा लगानी नगर्दा नै राम्रो हुन्छ । यो साना लगानीकर्ता फसाउने ठुलाहरुको खेल हो ।
हाइड्रोमा लगानी गरौँ
हामीले त हाइड्रोमा लगानी गर्नु ठिक छ । १०० रुपैयाँमा मागेजति त्यो पनि सरकारको ग्यारेन्टी भएको सेयर आएपछि किन सेकेण्डरीमा कमजोर कम्पनीमा पैसा खन्याउने ? पैसा त कमाइन्छ नै सरकारले खुलाएको हाइड्रोको सेयरमा लगानी गर्दा आत्मसन्तुष्टि पनि हुन्छ । देश उज्यालो बनाउन आफ्नो योगदान महसुस गर्न मिल्छ । देश झिलीमीली हुनुमा हाम्रो योगदान रहन्छ । अनि पो आउँछ त मज्जा ! पैसा पनि आनन्द पनि ! कुलमानजस्ता देशभक्तहरुको अभियानमा हाम्रो साथ हुनेछ, समर्थन हुनेछ ।
सेकेण्डरी भन्दै उफ्रिनुपर्ने अवस्था छैन :
अहिले सेकेण्डरी बजार भन्दै उफ्रिनु पर्ने अवस्था छैन । सेयर फालाफाल आउंदैछ । त्यसैले महँगो किनेर डुब्ने काम नगरौं । सेयर बजारका ‘ब्वाँसा’ हरुले जसरी पनि फसाउन सक्छन् । यहाँ खेल ठूलो छ। चलखेल ठूलो छ । त्यसैले हामीले अहिले महँगोमा सेयर किन्ने भन्दा ढुक्क हुने प्राइमरी सेयरमा लगानी गर्ने वा सरकारले लायाएको हाइड्रोको परियोजनामा पैसा हाल्ने गरौँ ।
अन्त्यमा,
मैले त सचेत गराउने हो । यो मेरो व्यक्तिगत विचार हो । पैसा तपाईंको हो, त्यसैले सोचेर लगानी गर्नुहोस् । बाँकी त तपाईंकै मर्जी ।
