काठमाडौँ – लोडसेडिङ अन्त्य गर्ने अभियानमा अवरोधक बनेको आरोपमा नेपाल विद्युत प्राधिकरणले एकैसाथ ठूलो संख्यामा कर्मचारी सरुवा गरेको छ ।

प्राधिकरणले आफूमातहका २ हजार ४ सय ८० कर्मचारीको एकैपटक सरुवा गरेको हो । प्राधिकरणको इतिहासमै यति धेरै संख्यामा एकैपटक सरुवा भएको यो पहिलोपटक हो । मिटर बिगारेर विद्युत चोरी गर्ने कर्मचारी फक्राउ परेको विरोधमा उत्रनेहरुलाई छानीछानी सुरुवा गरिएको प्राधिकरण स्रोतले जनाएको छ । उनीहरुले चोरीमा संलग्नलाई छाड्न उर्जामन्त्री जनार्दन शर्मा र प्राधिकरणका कार्यकारी निर्देशक कुलमान घिसिङलाई दबाब दिएका थिए ।

प्रहरीले आइतबार मात्र १३ अर्बको बिजुली चोर्ने कार्यमा संलग्न प्राधिकरणका वर्तमान र पूर्वकर्मचारी तथा केही व्यवसायीसमेत गरी १६ जनालाई पक्राउ गरी मुद्धा चलाएको छ ।