काठमाडौं – गत साता स्थानीय बजारमा सुनको भाउ रू १ हजारले बढेको थियो । केही सातादेखि घटिरहेको सुनचाँदीको बजार गत साता भने उकालो लागेको थियो । आइतवार रू ५२ हजार ७ सयमा किनबेच भएको सुन स्थानीय वस्तु बजारको अन्तिम दिन शुक्रवार बढेर रू ५३ हजार ७ सयमा किनबेच भएको हो ।

 साताको अन्तिम दिनमा सुन प्रतिऔंस १ हजार १ सय ७४ दशमलव ६० डलरमा किनबेच भएको छ । त्यस्तै, डलरसँग नेपाली मुद्राको विनिमयदर प्रति अमेरिकी डलर १ सय ८ रूपैयाँ ९६ पैसा रहेको छ । गत साता चाँदीको भाउ २५ रुपैयाँले बढेको हो ।  

सोमवार सुनचाँदीको मूल्य स्थिर रहको थियो । मङ्गलवार सुनको भाउमा रू। २ सयले बढेर रू ५२ हजार ९ सयमा किनबेच भएको थियो । बुधवार मूल्यमा रू ३ सय बढेको थियो । बिहीवार मूल्य पुनः रू ३ सयले बढेर रू ५३ हजार ७ सयमा किनबेच भएको थियो । शुक्रवार सुनको मूल्य रू २ सयले बढेको हो । 

आइतवार रू ७ सय ५५ मा कारोबार भएको चाँदीको मूल्य अन्तिम दिन शुक्रवार भाउ बढेर रू ७ सय ८० मा पुगेको थियो ।