काठमाण्डौ – देवघाटमा जारी ३२ करोड दिप प्रज्वलन तथा १ हजार ८ कुम्भ कलश पुजन महोत्सव १६ गते ९आइतवार० सकिएको छ । माघ १ गतेदेखी जारी कुम्भ कलश पुजन महोत्सवमा करिव १ करोड दर्शकले अवलोकन गरेका छन् ।

 ३२ करोड दिप प्रज्वलन भनिएपनि महोत्सवमा ८४ करोडभन्दा वढी दिप प्रज्वलन भएको आयोजकले जनाएको छ । देशका विभिन्न जिल्लाका भक्तजनहरुले देवघाट आएर दिप प्रज्वलन संगै सामाजिक कार्यका लागी आर्थिक सहयोग समेत गरेका छन् । 

देवघाटधाममा मन्दिर निर्माण गर्ने,भुकम्पपिडित वालवालिकालाई राख्ने आवास वनाउने,वृद्धसेवा सदन र पाठशाला वनाउने उदेश्यले कुम्भ महोत्सव आयोजना गरिएको विश्व जागरण महा अभियान ट्रष्टका अध्यक्ष इश्वर कृष्ण महाराजले जाकारी दिनुभयो । नेपालमा गएको विनाशकारी भुकम्प र विभिन्न घटना दुर्घटनामा अकालमा मृत्यु भएकाहरुले मोक्ष प्राप्त गरुन भन्ने उदेश्यले कुम्भ मेला गरिएको उहाँको भनाई छ । 

धर्मको माध्यमवाट राष्ट्रमा पनि शान्ति स्थापना होस भन्ने आयोजकले लक्ष्य राखेको महाराजले जानकारी दिनुभयो । कुम्भ कलश पुजन महोत्सवको अन्तिम दिन वटुकहरुको सामुहिक व्रतवन्ध समेत गरिएको छ । देशका विभिन्न क्षेत्रका वटुकहरु सामुहिक व्रतवन्धमा सहभागी भएका थिए । चितवन , नवलपरासी , र तनहुँको संगममा रहेको देवघाटको धार्मिक एतिहांसिक र सांस्कृतिक महत्व रहेको छ ।

 कालिगण्डकी र त्रिशुलीको संगममा स्थल रहेकाले पनि देवघाटलाई पवित्र तिर्थस्थलका रुपमा लिने गरिएकाले पनि देवघाटमा कुम्भमेला गरिएको संयोजक आचार्य श्रीधर वस्याले जानाकारी दिनुभयो ।