×

Live on

रेडियो अर्थ सरोकार

Listen to live radio.

एमालेको बैठकमा संसद खुलाउने नखुलाउनेबारे छलफल हुँदै

GLOBAL IME BANK

एमालेको बैठकमा संसद खुलाउने नखुलाउनेबारे छलफल हुँदै

१९ पुष २०७३, मंगलवार

पढ्न लाग्ने समय: १ मिनेटभन्दा कम

  • अर्थ सरोकार संम्वाददाता

काठमाडौं – संविधान संशोधन विधेयकबारे सर्वोच्च अदालतले दिएको फैसला पछि विकसित राजनीतिबारे छलफल गर्न प्रमुख प्रतिपक्षी दल नेकपा एमालेको स्थायी समिति बैठक बसिरहेको छ। 
अध्यक्ष केपी शर्मा ओली निवास भक्तपुर बालकोटमा बसिरहेको बैठकमा संविधान संशोधन विधेयकका बारेमा सर्वोच्च अदालतले दिएको आदेशबारे छलफल हुने एमाले संसदीय दलका उपनेता सुवासचन्द्र नेम्वाङले जानकारी दिए। संशोधन विधेयक संसदमा पेश गर्न नदिन माग गर्दै परेको रिटमा सर्वोच्चले सोमबार अन्तरिम आदेश दिन नपर्ने ठहर गरेको थियो। सर्वोच्चको आदेशपछि सदनको अवरोध हटाउने कि यथावत राख्ने भन्ने विषयमा एमालेले निर्णय गर्नेछ।
 एमाले नेताहरुका अनुसार सर्वोच्च आदलतको आदेशको सम्मान गर्दै अवरोध हटाउने निर्णय बैठकले गर्नेछ। एमालेको बैठकको निर्णयपछि दिउँसो सहयात्री प्रतिपक्षी अन्य साना दलसँग छलफल गरी आधिकारिक धारणा तय गरिने एमालेले जनाएको छ। एमालेले विगत एक महिनादेखि संसद बैठक अवरुद्ध गर्दै आएको छ। 
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: