">
- अर्थ सरोकार संम्वाददाता
काठमाडौ – पूर्वमन्त्री तथा एमाले सांसद कृपासुर शेर्पाले आफ्नै छोरालाई पक्राउ गराएका छन् । अंश माग्दै आएका छोरा गणेश शेर्पालाई उनले प्रहरी लगाएर पक्रउा गराएका हुन ।
अंशका लागि छलफल गर्न भन्दै बोलाएर शेर्पाले छोरा गणेशलाई प्रहरीको जिम्मा लगाएको एक एमाले कार्यकर्ताले बताए । गणेशलाई गौरीधारा बिटले काठमाडौँको चावाहीलस्थित हेल्पिङ ह्याण्ड हस्पिटल नजिकैबाट पक्राउ गरेको हो ।
छोरालाई चावाहिलमा बोलाएका उनले पल्यिै प्रहरी पनि बोलाएका थिए । केही बेर छलफल गरेपछि कृपाशुरले ‘यसलाई लैजाओ’ भन्दै प्रहरीलाई निर्देशन दिएका थिए ।
कृपाशुरले आफ्नै माहिली श्रीमतीपट्टीबाट जन्मेका गणेशलाई अस्विकार गर्दै आएका थिए । गत बर्ष पर्यटन मन्त्री भएसँगै कृपाशुरको पारिवारिक कथा बाहिर आएको थियो । मन्त्री पद खुस्किने सम्भावना बढेपछि उनले गणेशलाई नागरिकता दिएका थिए ।
अंशपनि दिने आश्वासन दिएपछि गणेशको बुबासँग मिल्ती भएको थियो । मन्त्री पदबाट बाहिरिएसँगै उनले छोरालाई अंश नदिने बताएका थिए ।
प्रहरी थुनामा रहेका गणेशले भने ‘बाबाले बोलाएर गएको हुँ, अंशका लागि छलफल गर्न आइज भन्नु भयो । म खुशी हुँदै गएँ’ गौशाला प्रहरी प्रभागमा गणेशले रुँदै भने ‘प्रहरी बोलाएर राख्नुभएको रहेछ । मलाई बिनाकसुर पक्राउ गरियो ।’
पुुर्वमन्त्री र पार्टीको सांसदबाटै यस्तो घृणित कार्य भएपछी एमाले नेतृत्वमाथी कृपासुरलाई कारबाही गरेर छोरालाई अंश दिलाउन दवाव परेको छ ।
पार्टीको भातृ संगठन अनेमसंघले कृपासुरलाई कारबाही नगरिए पत्रकार सम्मेलन गरेर भण्डाफोर गर्ने चेतावनी अध्यक्ष केपी शर्मा ओली र महासचिव ईश्वर पोखरेललाई दिईसकेको स्रोतले बताएको छ ।
