काठमाडौं – काठमाडौंको तापक्रम लगातार ओरालो लागेको समयमा आम मानिसको दैनिकीसँग जोडिएको उपभोक्ता मुद्रास्फीतिसमेत घटेको प्रतिवेदन सर्वजनिक भएको छ । नेपाल राष्ट्र बैंकले प्रकाशित गरेको चालू आर्थिक वर्ष आवको मंसिर मसान्तसम्मको आर्थिक तथा मौद्रिक स्थितिको प्रतिवेदनअनुसार नेपालको उपभोक्ता मुद्रास्फीति दर ३ दमलव ८ प्रतिशतमा ओर्लिएको छ ।
उक्त मुद्रास्फीति दर गतवर्षको सोही अवधि र चालू आवको कात्तिक मसान्तको तुलनामा कम हो। प्रतिवेदनअनुसार गत आवको सोही अवधिमा त्यस्तो उपभोक्ता मुद्रास्फीति ११ दशमलव ६ प्रतिशत थियो भने चालू आवको कात्तिक मसान्तमा समेत ४ दशमलव ८ प्रतिशत थियो ।
चालू आवमा उत्पादनमा वृद्धि भएका कारण अधिकांश खाद्यवस्तुको मूल्य घटेको, गतवर्षको तुलनामा आपूर्ति प्रणाली सहज भएको र सरकारले बजार अनुगमनलाई तीव्रता दिएकाले समग्र मुद्रास्फीति कम भएको राष्ट्रबैंकको विश्लेषण छ। यो समाचार आर्थिक अभियानबाट दैनिकबाट साभार गरिएको हो ।
