काठमाण्डौ – सरकारले उच्च प्राथमिकतामा राखेको तथा चीनसँगको सीमानाका जोड्ने मैलुङ–स्याप्रुवेसी सडकखण्ड स्तरोन्नति कार्य नेपाली सेनाले तीव्र गतिमा अघि बढाएको छ ।आजको गोरखापत्र दैनिकमा समाचार छ ।
सडकलाई डेढ बर्षभित्रमै नौ मिटर फराकिलो बनाएर दुई लेनको ट्याक खोल्ने कार्य पूरा गरी सडक बिभागलाई हस्तान्तरण गरिनेछ ।
यो सडक निर्माणपछि बेत्रावतीबाट राम्चे–धुन्चे नगई सिधै स्याप्रुवेसी पुग्न सकिन्छ । यो सडक बनेपछि मैलुङदेखि स्याप्रुवेसीसम्मको सडक ५४ किलोमिटरबाट घटेर ३१ किलोमिटरको हुनेछ । स्याप्रुवेसीदेखि रसुवागढी भन्सारसम्मको सडक भने चीनले बनाइदिने भएको छ ।
