काठमाडौं – मञ्जुश्री फाइनान्स लिमिटेड (Manjushree Finance Ltd.) ले दोस्रो त्रैमासमा खुद मुनाफा २ करोड ३७ लाख रुपैयाँ कमाएको छ, जुन गत वर्षको तुलनाभन्दा ३५ दशमलव २९ प्रतिशतले वृद्धि हो । अघिल्लो वर्षको सोहि अवधिमा मुनाफा १ करोड ९१ लाख रुपैयाँ कमाएको थियो ।

२८ करोड ५७ लाख रुपैयाँ चुक्ता पूँजी भएको फाइनान्स(MFIL)  ले निक्षेपमा ३ अर्ब १८ करोड रुपैयाँ संकलन गरेको छ, जुन गत वर्षको तुलनाभन्दा ५२ दशमलव ३२ प्रतिशतले वृद्धि हो । जसबाट कर्जामा २ अर्ब ९७ करोड ५ लाख रुपैयाँ लगानी गरेको छ । खुद व्याज आम्दानीमा ४० दशमलव ४७ प्रतिशतले बढेर ५ करोड ९५ लाख रुपैयाँ पुगेको छ भने संचालन मुनाफा १६ दशमलव ६६ प्रतिशतले वढेर ३ करोड ५९ लाख रुपैयाँ पुगेको छ । फाइनान्सले प्रोभिजनमा १ करोड ३४ लाख रुपैयाँ राखेको छ ।

फाइनान्सको जोखिम युत्त सम्पत्ति १४ दशमलव ११ प्रतिशत रहेको छ भने निष्कृय कर्जा २ दशमलव ६३ प्रतिशत रहेको छ । जसको प्रतिशेयर आम्दानी १६ दशमलव ६ रुपैयाँ, मुल्य आम्दानीको अनुपात १० दशमलव ६६ गुणा, प्रतिशेयर नेटवर्थ १ सय १८ दशमलव १६ रुपैयाँ र तरलता अनुपात २० दशमलव ७० प्रतिशत रहेको छ ।