काठमाडौं – मुक्तिनाथ विकास बैंकको एक लाख १३ हजार ६६०।७५ कित्ता सेयर बुधबारदेखि लिलामीमा बिक्री खुला भएको छ । बैंकले एक लाख तीन हजार १६७।२५ कित्ता सर्वसाधारण समूह र १० हजार ४९३।५ कित्ता संथापक समूहको सेयर लिलामीमा बिक्री गर्न लागेको हो ।

 लगानीकर्ताले न्यूनतम एक सय रुपैयाँ मूल्य तोकी त्यसभन्दा बढी भाउमा बोलपत्र फारम भर्नुपर्नेछ । यो लिलामी सेयरमा आवेदन दिने अन्तिम म्याद माघ १९ गतेसम्म तोकिएको छ । 

हकप्रद निष्कासन गर्दा बिक्री नभएका सेयर मुक्तिनाथले यतिबेला लिलामीमा बिक्री खुला गरेको हो । यसअघि मुक्तिनाथले असोज २१ देखि कात्तिक २५ गते सम्म हकप्रद सेयर बिक्री खुला गरेको थियो । मुक्तिनाथ विकास बैंक लिमिटेड पृथ्विचोक पोखरा तथा बिक्री प्रबन्धक एनआइबीएल क्यापिटल मार्केट्स लिमिटेड लाजिम्पाट काठमाडौबाट आवेदन फारम लिन र बुझाउन सकिनेछ ।

टेन्डर माघ २१ गते दिउसो ३ बजे एनआइबीएल क्यापिटल मार्केट्स लिमिटेड लाजिम्पाट काठमाडौमा खोलिनेछ । चालु आर्थिक वर्षको दास्रो त्रैमासमा मुक्तिनाथले २२ करोड ३२ लाख २० हजार रुपैयाँ खुद नाफा कमाएको छ ।

 चुक्ता पुँजी एक अर्ब ५३ करोड १३ लाख ५० हजार रुपैयाँ रहेको यो बैंकको प्रतिसेयर आम्दानी २९ रुपैयाँ १५ पैसा ९बार्षिकीकरण० छ । प्रतिसेयर नेटवर्थ भने १२८ रुपैयाँ ५८ पैसा पुगेको छ ।