काठमाडौं – मङ्गलवार नेप्से परिसूचक १ दशमलव १९ प्रतिशतले घटेको छ । १ हजार ४ सय ८३ विन्दुबाट खुलेको शेयर बजार ३ घण्टाको अवधिमा परिसूचक १७ दशमलव ६५ अङ्कले घटेर १ हजार ४ सय ६५ विन्दुमा झरेको छ । 

कारोबारमा आएका सबै समूहको परिसूचक घटेपछि समग्र नेप्से परिसूचक ओरालो लागेको हो । यस व्यापार अवधिमा १ सय २० कम्पनीको २ हजार ५ सय ६६ पटकको व्यापारमा रू। २७ करोड ३३ लाख बराबरको शेयर कारोबार भएको छ ।

बीमा समूहको परिसूचक २ दशमलव १६ प्रतिशतले घटेको छ । साथै, बैङ्किङ र विकास समूहको परिसूचक १ दशमलव २५ प्रतिशतले घटेको छ । होटल समूहको परिसूचक १ दशमलव १४ प्रतिशतले घटेको छ । साथै, जलविद्युतको शून्य दशमलव २७ प्रतिशतले घटेको छ । वित्त कम्पनीको शून्य दशमलव २२ प्रतिशतले घटेको छ भने ‘अन्य’ समूहको शून्य दशमलव १६ प्रतिशतले घटेको हो ।