काठमाडौं – सोमवार नेप्से परिसूचक १ दशमलव १७ प्रतिशत वृद्धि भएको छ । पछिल्लो चार दिनको व्यापारमा परिसूचक ७५ दशमलव ३२ अङ्कले बढेको छ । यस दिन परिसूचकमा बृद्धि भएपनि काराबोर रकममा भने रू. ५ करोड ८४ लाख कमी आएको छ । पहिलो आधा घण्टाको १ हजार ४ सय ८४ उच्च विन्दुमा पुगेको नेप्से सो विन्दुमा टिक्न नसकी १८ अङ्क तल झरेको परिसूचक केही समयमा नै बढ्न थालेको थियो । व्यापारको अन्तिम समयमा शेयर बजार १७ दशमलव १३ अङ्क बढेर १ हजार ४ सय ८२ दशमलव ८५ विन्दुमा पुगेर बन्द भएको छ ।
नेप्सेको कारोबार रकम बढेर रू. ५१ करोड ४९ लाख पुगेको छ भने कुल बजार पूँजीकरण रू. १६ खर्ब ६० अर्ब पुगेको छ । यस दिन १ सय ३० कम्पनीको ४ हजार ४ सय ३३ पटकको व्यापारबाट १० लाख १७ हजार ७ सय ५४ कित्ता शेयर किनबेच भएको छ । नेप्सेको १४ दिने रिलेटिभ स्ट्रेन्थ इण्डेक्स (आरएसआई) अहिले न्यूट्रल जोन अथवा ४२ दशमलव ७५ स्केलमा रहेको छ । यसले बजारमा शेयरको खरीद विक्री चाप सन्तुलनमा रहेको देखाउँछ ।
एभरेष्ट बैङ्कको रू. ३ करोड ८ लाख बराबरको रकम कारोबार भएको छ । बैङ्कको अन्तिम मूल्य रू. ४४ ले बढेर रू. १ हजार ८ सय ४९ पुगेको छ । यस कम्पनीको १ सय ९५ पटकको व्यापारमा १६ हजार ८ सय १६ कित्ता शेयर कारोबार भएको हो । यस दिन सप्तकोशी डेभलपमेण्ट बैङ्कको शेयर मूल्य ९ दशमलव ७५ प्रतिशतले बढेर अन्तिम मूल्य रू. २ सय ५९ पुगेको छ । साथै, अरुण फाइनान्सको शेयर मूल्य ९ दशमलव ६४ प्रतिशत र मञ्जुश्री फाइनान्सियल इन्स्टीच्यूचनको ९ दशमलव २९ प्रतिशतले बढेको हो । मिथिला लघुवित्त विकास बैङ्कको शेयर मूल्य भने ९ दशमलव २२ प्रतिशतले घटेर रू. १ हजार ७२ पुगेको छ । नेप्सेमा कारोबार भएका कम्पनी मध्ये ९४ कम्पनीको शेयर मूल्य बढेको छ, २५ कम्पनीको शेयर मूल्य घट््यो र ११ कम्पनीको शेयर मूल्य स्थिर रह्यो । सो दिन नेप्सेको एडी रेशियो ३ दशमलव ७६ अङ्क रहेको छ । यसले बजार बुलिश प्रवृत्तिमा रहेको देखाउँछ ।
बैङ्किङ समूहको परिसूचक १ दशमलव ६७ प्रतिशतले बढेको छ । त्यस्तै, वित्त कम्पनी समूहको परिसूचक शून्य दशलमव ९३ प्रतिशत र विकास बैङ्कको शून्य दशमलव ८८ प्रतिशतले बढेको हो । साथै, जलविद्युत समूहको परिसूचक शून्य दशमलव ४५ प्रतिशत, बीमाको शून्य दशमलव ४२ प्रतिशत, ‘अन्य’ समूहको शून्य दशमलव ३९ प्रतिशत र उत्पादन तथा प्रशोधन समूहको शून्य दशलमव २६ प्रतिशतले बढेको हो । होटल समूहको परिसूचक भने शून्य दशमलव ३३ प्रतिशतले घटेको छ । सोल्टी होटलको शेयर मूल्य घटेपछि यस समूहको परिसूचक ६ दशमलव ३७ अङ्कले घटेको हो ।
