काठमाडौं – बिहीवार नेप्से परिसूचक शून्य दशमलव १७ प्रतिशत बढेको छ । कारोबारको ३ घण्टा अवधिमा २ दशमलव ५४ अङ्क बढेर १ हजार ४ सय ६४ दशमलव ७७ विन्दुमा पुगेको छ । उत्पादन तथा प्रशोधन समूह बाहेक कारोबारमा आएका अन्य सबै समूहको परिसूचक बढेपछि परिसूचक पनि बढ्न पुगेको हो । 

यस कारोबार अवधिमा १ सय २० कम्पनीको १ हजार ९ सय ९३ पटकको व्यापार अवधिमा ७ लाख ९४ हजार बराबरको शेयर कारोबार भएको छ ।

यस दिन कारोबारमा आएको जलविद्युत समूहको परिसूचक शून्य दशमलव ६९ प्रतिशत बढेको छ । त्यसैगरी, होटल समूहको शून्य दशमलव ४ प्रतिशत, बीमा समूहको शून्य दशमलवल ३३ प्रतिशत, ‘अन्य’ समूहको शून्य दशमलव २ प्रतिशत, बैङ्किङ समूहको शून्य दशमलव १५ प्रतिशत, विकास बैङ्क समूहको शून्य दशमलव शून्य ७ प्रतिशत बढेको छ । उत्पादन तथा प्रशोधन समूहको परिसूचक भने शून्य दशमलव ५६ प्रतिशत घटेको छ ।