काठमाडौं – आइतवार नेप्से परिसूचक शून्य दशमलव १५ प्रतिशत बढेको छ । १ हजार ४ सय ६२ विन्दुबाट खुलेको शेयर बजार ३ घण्टाको व्यापारमा परिसूचक २ दशमलव १८ अङ्क बढेर १ हजार ४ सय ६४ दशमलव ७४ विन्दुमा पुगेको छ ।

जलविद्युत र वित्त कम्पनी समूहबाहेक अरु समूहको परिसूचक बढेपछि नेप्से परिसूचक बढेको हो । यस समयमा १ सय १८ कम्पनीको १ हजार ६ सय ३० पटकको व्यापारमा रू। २० करोड ४० लाख बराबरको रकम कारोबार भएको छ ।

होटल समूहको परिसूचक १ दशमलव ४१ प्रतिशतले बढेको छ । त्यस्तै, ‘अन्य’ समूहको परिसूचक शून्य दशमलव ६ प्रतिशत,  बैङ्किङको शून्य दशमलव २१ प्रतिशत, बीमाको शून्य दशमलव १४ प्रतिशत र उत्पादन तथा  प्रशोधन कम्पनीको  शून्य दशमलव १३ प्रतिशत बढेको छ । त्यस्तै, वित्त कम्पनीको १ दशमलव ४१ र जलविद्युत कम्पनीको शून्य दशमलव ३९ प्रतिशत घटेको हो ।