×

Live on

रेडियो अर्थ सरोकार

Listen to live radio.

सभामुख घर्तीले अपरान्ह १ बजे पाँच दलका शीर्ष नेतासँग बैठक गर्ने

GLOBAL IME BANK

सभामुख घर्तीले अपरान्ह १ बजे पाँच दलका शीर्ष नेतासँग बैठक गर्ने

२४ पुष २०७३, आईतवार

पढ्न लाग्ने समय: १ मिनेटभन्दा कम

  • अर्थ सरोकार संम्वाददाता 

काठमाडौं – सभामुख ओनसरी घर्तीमगरले प्रमुख पाँच दलका शीर्ष नेताहरुको बैठक बोलाएकी छन् । ६ दिनको स्थगनपछि आज आइतबार बस्न लागेको संसद बैठकअघि सभामुखले शीर्ष बैठक आह्वान गरेकी हुन् ।

अपरान्ह १ बजे प्रमुख पाँच दल कांग्रेस, एमाले, माओवादी, राप्रपा र फोरम लोकतान्त्रिकका शीर्ष नेताहरुको बैठक संसद भवनमा बस्दैछ । त्यसअघि कार्यव्यवस्था परामर्श समितिको बैठक पनि बोलाइएको संसद सचिवालयले जनाएको छ ।
परामर्श समितिको अघिल्लो बैठकमा एमाले संसदीय दलका उपनेता सुवास नेम्वाङले अर्को बैठक अवरोध नहुने भन्दै २४ गतेसम्म समय मागेका थिए । उनकै आग्रहमा घर्तीले पुस २४ गतेसम्म बैठक स्थगन गरेपनि एमालेले संविधान संशोधन विधेयक अघि नबढाउन सरकारलाई आग्रह गरेपछि सदन अवरोध जारी रहने देखिएको छ ।
एमालेले लोकमान सिंह कार्की विरुद्धको महाअभियोग प्रस्ताव र स्थानीय निर्वाचन सम्बन्धी बिधेयक अघि बढाउन भने संसद खुलाउने जानकारी समेत गराएको छ । सरकारले भने एमालेको अवरोधका बीच संविधान संशोधन विधेयक टेबल गर्ने तयारी गरेको छ ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: