काठमाण्डौ – प्रधानमन्त्री प्रचण्डको पत्नी सीतालाई लागेको झाडा पखाला एक सातासम्म नरोकिएपछि प्रधानमन्त्री पुष्पकमल दाहाल ‘प्रचण्ड’ लाई तनाब भएको छ ।

सीताको विगत ६ दिनयता राजधानीको नर्भिक अस्पतालमा उपचार भइरहेको छ । पारिवारिक स्रोतका अनुसार सीतालाई झापा पखाला लागेपछि अस्पताल लगिएको हो । झाडा पखालासँगै उच्च ज्वरो आएको परिवारका एक सदस्यले काठमाण्डु टुडेलाई बताए ।

‘झाडा पाखाला लागेर अस्पताल ल्याइएको हो, अस्पताल आएपछि ज्वरो पनि आउन थाल्यो’, ती सदस्यले भने । उनका अनुसार बालुवाटानरस्थित सरकारी निवासमै चिकित्सक बोलाएर स्वास्थ्य परीक्षणका साथै औषधि सेवन गराइएको थियो । तर, निवासमा चिकित्सकले चलाएको औषधिले झाडा पखाला नियन्त्रणमा नआएपछि नर्भिक लगिएको हो ।

यद्यपि शनिबारदेखि सीताको अवस्थामा सुधार आएको अस्पताल स्रोतले जनाएको छ । ‘सुधारोन्मुध अवस्थामा हुनुहुन्छ, आजै वा भोलिसम्ममा डिस्चार्ज हुन्छ कि ’, स्रोतले भन्यो ।