">
- अर्थ सरोकार सम्बाददाता
काठमाडौं– चर्चित गायक तथा हास्य कलाकार प्रकाश ओझा पक्राउ परेका छन् । मानव वेचबिखन तथा ओसार पसार मुद्धामा २०७३ माघमा जिल्ला अदालत सुनसरीले ओझालाई दश बर्ष कैद सजायको फैसला सुनाएको थियो । सजाय सुनाएदेखिनै फरार भएका उनलाई अन्तत: प्रहरीले पक्राउ गरेको हो ।
ओझालाई नेपाल प्रहरीको केन्द्रिय अनुसन्धान ब्युरोले शुक्रवार काठमाडौंको शंखमुलबाट पक्राउ गरी फैसला कार्यान्वयनका जिल्ला अदालत काठमाडौंमा पेश गरेको थियो ।
गायक ओझाले २०५९ सालदेखि लगातार दुई बर्षसम्म तीनजना नाबालिककासँग अनैतिक सम्वन्ध राखेर खिचीएका अश्लिल भिडियो सार्वजनिक गर्ने धम्की दिएर पटक–पटक यौन शोषण गर्दै आएको अदालतले ठहर गरेको थियो ।
