×

Live on

रेडियो अर्थ सरोकार

Listen to live radio.

छापा माध्यमको एफडीआई सीमा बढाउँदै भारत

GLOBAL IME BANK

छापा माध्यमको एफडीआई सीमा बढाउँदै भारत

३ माघ २०७३, सोमबार

पढ्न लाग्ने समय: १ मिनेटभन्दा कम

एजेन्सी – भारत सरकारले छापा माध्यममा विदेशी प्रत्यक्ष लगानी खुकुलो पार्नेबारे विचार गरिरहेको छ । हाल भारतमा विदेशी लगानीकर्ताहरूले छापा माध्यममा अधिकतम २६ प्रतिशतसम्म मात्रै लगानी गर्न सक्ने व्यवस्था छ ।
 यद्यपि, सरकारले सो सीमा बढाएर ४९ प्रतिशतमा पुर्‍याउनेबारे विचार गरिरहेको यस मामिलाबारे जानकार स्रोतलाई उद्धृत गर्दै भारतीय समाचार संस्था ‘प्रेस ट्रष्ट अफ इण्डिया’ले एक समाचार छापेको छ । छापा माध्यममा विदेशी लगानी आकर्षित गर्ने उद्देश्यसहित सरकारले यसबारे विचार विमर्श शुरू गरेको बताइएको छ ।
गतवर्ष सरकारले नागरिक उड्डयन, प्रतिरक्षा, निजी सुरक्षा निकाय, फर्मास्युटिकल्स र खाद्यान्न प्रशोधन उद्योगलगायत कयौं क्षेत्रमा एफडीआई नीति खुकुलो पारेको थियो । 
आर्थिक वर्ष २०१५र१६ मा भारतमा ४० अर्ब डलर एफडीआई आप्रवाह भएको थियो । एफडीआईको यो आकार अघिल्लो आवको तुलनामा २९ प्रतिशत बढी हो । 
बन्दरगाह, विमानस्थल, बाटोघाटोलगायत पूर्वाधार क्षेत्रको विकास गर्न र आर्थिक वृद्धिलाई टेवा दिन भारतलाई करीब १० खर्ब डलरबराबरको लगानीको खाँचो छ । सो आवश्यकता पूर्ति गर्न पछिल्लो समय सरकारले एफडीआई नीति सहज बनाउन थालेको छ ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: