">
रामु खनाल
- साना लगानीकर्ताहरु भन्छन् ठुला लगानीकर्ताहरुले बजारमा चलखेल गरे , बजार घटाएर किन्न खोजे ।
- ठुला लगानीकर्ताहरु भन्छन् साना लगानीकर्ताहरु ब्यवसायीक भएनन् अलिकति बजार केहि तलमाथि भयो कि आत्ति हाल्ने , बेच्न पनि हतार किन्न पनि हतार अनि बजार अस्थिर भयो ।
- नयाँ नयाँ लगानीकर्ताहरु भन्छन् फलानो न्युजले यसो भन्यो , फलानोले उसो भन्यो , ग्रुपमा यसले यसो भन्यो , उसले उसो भन्यो लौ चौपट हुने भईयो , बर्बादी नै हुने भईयो, मनोबैज्ञानिक त्रास , “ बनको बाघले खाने हो कि होइन मनको बाघले खाने “
- केहि मेडियाहरुले अलिकति बजार घट्यो कि पुरै बजार नै ध्वस्त नै भए झैँ गरि डर लाग्दो चित्रका साथ बजारमा आज ठुलो पहिरो गयो , भूकम्प गयो भन्ने अनि अलिकति बजार बढ्यो कि फलानो फलानोले कम्पनीले कुस्त कमाए , पैसा छापे भन्ने | यस्ता हलुका हेडलाइन राखेर समाचार प्रकाशित गरे पछि लगानीकर्ताहरु लाई सुसूचित गरेको हो कि अन्य केहि हो तिनै मेडियाकर्मीहरु नै जानुन ।
- बेमौसमी FPO, Right को त अहिले साउनको बर्खे भेल नै छ । यस्तो खहरेखोलाको बर्खे भेल शेयरबजारमा पसेर आतंक मज्जाएको अबश्य नै हो ।
- अहिले FPO धमाधम प्रिमियम मुल्यमा निष्कासन भैरहेका छन्य ।यस्तै बेथिति कायम रहिरहे कुनै दिन Right शेयर पनि प्रिमियम मुल्यमा निष्कासन गरे आठौ आसर्य नमाने हुन्छ ।
अत : पैसा तपाइको, लगानी तपाइको , फाइदा भए पनि तपाईलाई घाटा भए पनि तपाई लाइ नै अनि किन अरुको पछि कुद्ने त । “ कागले कान लग्यो भन्दैमा कान छाम्ने कि कागका पछि दगुर्ने “ !
