नेपाल राष्ट बैंकले ५० करोड रुपैयाँ बराबरको ट्रेजरी बिल विक्री गर्ने भएको छ । राष्ट्र बैंकले अनलाइन बोलकबोलका आधारमा सोमबार ९१ दिने अवधिको ट्रेजरी बिल विक्री गर्न लागेको हो । उक्त ट्रेजरी बिल आगामी बैशाख १२ गते परिपक्व हुने बताइएको छ ।
बैंकिङ प्रणालीमा तरलता वयवस्थापन गर्ने भन्दै केही समयदेखि बैंकले ट्रेजरी बिल विक्री बन्द गरी बैंकिङ प्रणालीमा निरन्तर तरलता पठाइरहेकोमा सोमबार भने ट्रेजरी बिल विक्री गर्न लगोको हो । यसअघि राष्ट्र बैंकले गत पुस १८ गते ९१ दिने अवधिको तीन अर्ब रुपैयाँ बराबरको ट्रेजरी बिल जारी गरेको थियो । आगामी बैशाख ५ गते परिपक्व हुने ट्रेजरी बिलमा सात अर्ब ८६ करोड रुपैयाँ बराबरको आवेदन परेको थियो ।
