अहिले अधिकांस कम्पनीहरुको बजार मुल्य AVERAGE BASED PRICE भन्दा धेरै तल छ । जुन समग्रमा भन्नु पर्दा UNDERVALUED नै हो । तर त्रासको मनोबिज्ञानको अगाडी कसको के लाग्छ र ! हल्ला र लहालहैको पछी लागेर कौडीको भाउमा घाटा खाएर बेच्नेहरुलाई बिषेश धन्यबाद छ । जसले बजारलाई अल्पकालिन क्र्याशको बाटोतर्फ मोड्न सहयोग गरे र आजको दिनसम्म बजारमा आफ्नो उपस्थिती जनाए ।

पक्कैपनि उनीहरु भोलीको दिनमा बजारमा फर्कने छैनन् र आफुले परिवर्तन गरेको नयाँ फिल्डमापनि सफलता पाउने कुरामा शंकै छ, किनकि पैसा कमाउन धैर्यता चाहिन्छ चाहे त्यो जुनै क्षेत्रमा होस् । यसबीचच दौनिक ५० करोडभन्दा बढीको कारोबारमा खरिदकर्ताको पक्षबाट सहभागी हुनुहुने दरिलो मुटुहरुप्रति भने समग्र बजारनै आभारी छ ।

बिगतको भुकम्प र नाकाबन्दीबिच बजारमा नदेखिएको परिदृश्य अहिले देखिंदैछ । जुन बिल्कुलै आश्चर्यजनकनै छ । अल्पकालिन ब्याजदरमा बृद्धी , सामान्य राजनितिक उतार चढाव, पुरानै बजारिया हौवा जस्ता सामान्य कुराहरुलाई छोडेर बजारको आधारभुत पक्षहरु अत्यन्तै मजबुत भएको अहिलेको अवस्थामा कागकोपछी लाग्नेहरुलाई राम राम भन्न सकिन्छ तर काँध थाप्न सकिन्न ।