काठमाडौं – सरकारले सार्वजनिक बिदा पुनरावलोकन गर्ने भएको छ । बुधबार बिहान बसेको मन्त्रिपरिषद् बैठकले सार्वजनिक बिदामा पुनरावलोकन गर्ने निर्णय गरेको बैठकपछि सरकार प्रवक्ता एवं सूचना तथा सञ्चारमन्त्री राम कार्कीले जानकारी दिए ।  कुन कुन पर्व वा समारोहमा बिदा दिने पुनरावलोकन गरी प्रतिवेदन पेश गर्न गृह मन्त्रालयलाई भनेका छौँ कार्कीले भने ।

बैठकले राष्ट्रिय बिदाको पुनरावलोकन गर्न गृह मन्त्रालयलाई एक महिनाको समय दिएको हो । कुन दिवसमा राष्ट्रिय बिदा दिने, कुन दिवस र पर्वमा प्रादेशिक र स्थानीय स्तरमा बिदा दिने भन्नेबारे सुझाव पेश गर्न गृह मन्त्रालयलाई एक महिनाको समय दिइएको कार्कीले जानकारी दिए । 

ईशाइ धर्मावलम्बीको पर्व क्रिसमसमा अबेर गरी बिदा दिएको सरकारले पृथ्वी जयन्तिमा बिदा नदिएको भन्दै सार्वजनिक आलोचना भएको छ ।