- अर्थ सरोकार संम्वाददाता
काठमाडौं – नेपाल स्टक एक्सचेन्ज नेप्सेले धितोपत्र दलालहरुको शाखा बिस्तार गर्न दिने भएको छ । नेप्सेले यस अघिनै शाखा विस्तार गर्ने सम्बन्धमा प्रक्रिया अघि बढाएको थियो ।
रिमोट वर्क स्टेसन स्थापनाका सम्बन्धमा नेप्से संचालक समितिको बैठकले नेप्से ब्यबस्थापनलार्इ प्रक्रिया अघि बढाउन निर्देशन दिएको नेप्सेले जारी गरेको बिज्ञप्तिमा जनाएको छ ।
हाल ५० ब्रोकर मध्ये ४१ ब्रोकर उपत्यका बाहिर जान राजी भएका छन् । ५० ब्रोकरमा नौ ब्रोकरले यस अघिनै बाहिर शाखा बिस्तार गरिसकेका छन् ।नेप्सेले रिमोट वर्क स्टेसन स्थापनाका लागि केहि सर्त भने अघि सारेको छ ।
हाललार्इ शाखा बिस्तार गर्न चाहने दलालले कम्तिमा एक करोड नेटवर्थ पुर्याउनु पर्ने छ । २०७४ असार मसान्त भित्र दुई करोड चुक्ता पूँजी पर्याउनुपर्ने सर्त अगाडी सरेको छ ।
चुक्ता पूँजी संगै भौतिक पूर्वाधार र जनशक्तिको पनि मापदण्ड तोकेको छ । रिमोट वर्क स्टेसन स्थापना गर्न चाहने दलालले कम्तिमा पावर ब्याकअप भएको तीन थान कम्प्युटर ,चार सय वर्गफिटको कार्यालय , कारोबार कक्ष र डिस्प्ले हल छुट्टा छुट्टै ब्यवस्था गर्नुपर्ने शर्त राखेको छ। इमेल इन्टरनेटको व्यवस्था हुनुपर्ने लगायतको पूर्वाधार सर्त राखेको छ ।
जनशक्तिका सम्बन्धमा बाणिज्य , अर्थशास्त्रमा स्नातक वा चार्टर्ड एकाउन्टेन्ट उतिर्ण गरेको व्यक्ति रिमोट वर्क स्टेसनको प्रमुख हुनुपर्ने सर्त पनि नेप्सेले अघि सारेको छ ।
शाखा विस्तारका गर्न चाहने ब्रोकर कम्पनीहरु निम्न अनुसार छन् ।
