">
- अर्थ सरोकार संम्वाददाता
काठमाडौं – चार पांग्रे सवारीका लागि सवारी चालक अनुमतिपत्र ९लाइसेन्स० निकाल्न ट्रायलको तयारी गर्दै हुनुहुन्छ रु अब ट्रायल गर्ने विधि फेरिएको छ, त्यसैले त्यसै अनुसार तयारी गरेरमात्रै जानुहोस् ।
यातायात व्यवस्था कार्यालय बाग्मती अन्तरगत सिंहदरबारको बग्गीखानास्थित ट्रायल सेन्टरले ट्रायलको बिधि र नियममा नियममा परिवर्तन गरेको हो । अब पहिलेजस्तो पार्किङबाट सवारी सीधै ‘एट’ सेपमा प्रवेश गर्ने छैन ।
अब बग्गीखानामा ट्रायल दिँदा सुरुवातमै गाडीले ‘टी’ सेपलाई क्रस गर्नुपर्ने गरी नियम बनाइएको यातायात ब्यवस्था विभागका प्रवक्ता डा। टोकराज पाण्डेले जानकारी दिए । यसअनुसार गाडी चालकले गाडी स्टार्ट गरेपछि ‘टी’ सेपमा गाडी लैजानेछन् ।
यसअघि ‘एट’ सेपबाट ट्रायल सुरु हुन्थ्यो र ‘टी’ मा पुगेर टुङ्गिन्थ्यो । र, सबै सेप पार गरेकाहरु पनि प्राय ‘टी’मा धेरै फेल समेत हुने गरेका थिए । ‘टी’ सेप ट्रायलमा सबैभन्दा कठिन सेप मानिन्छ ।
अन्तिम पुगेर फेल हुँदा परीक्षार्थीको समयको नास मात्र हुने गरेको गुनासो समेत आउने गरेको थियो । साथै पछिल्लो दिनमा लिखित दिएर ३ पटकसम्म ट्रायल दिन पाउने ब्यवस्था गरिएको छ । यसैका कारण ट्रायल सेन्टरमा चाप बढेपछि अप्ठ्यारो मानिएको ‘टी’ स्टेपलाई सुरुमै ल्याइएको स्रोतको दावी छ ।
अब कमजोर रहेकाहरु पहिलो चरणको ‘टी’ मा नै फेल हुने भएकाले समयको बचत हुने कार्यालयको दाबी छ । यसबाट ट्रायल छिटो(छिटो गर्न सकिने कार्यालयका एक अधिकारी बताउँछन् ।
